"ხმა მივეცი იმას, რომ დასრულდეს პოლიტიკური ჭაობი და ერთფეროვნება ქართულ პოლიტიკაში იმისთვის, რომ მოვიდნენ პატრიოტი ადამიანები ხელიდუფლებაში", — განაცხადა საქართველოს ყოფილმა პრეზიდენტმა, გიორგი მარგველაშვილმა საარჩევნო უბანში ხმის მიცემის შემდეგ.

მისივე თქმით, უნდა დამთავრდეს "ჭაობი, რომელმაც გაბედა და თქვა, რომ ჯალათი არის მსხვერპლი და სიმართლისთვის მებრძოლი არის ავაზაკი".

"მთაწმინდელი ამომრჩეველი არჩევს სიმართლესა და ტყუილს, არჩევს სიმართლისთვის მებრძოლსა და ჯალათს და ამ სიმართლეს გადაიტანს საარჩევნო ბიულეტენზე", — აღნიშნა გიორგი მარგველაშვილმა.