მოქალაქე გიორგი კალანდია, რომელიც სოფელ ჯიხაშკარის #76-ე საარჩევნო უბანთან სიებითა და საბუთებით დგას, ამბობს, რომ დისერტაციას იცავს.

"მე ჩემს ხალხს ვაკონტროლებ. ამომრჩეველია ჩემი ხალხი. დისერტაციას ვიცავ", — თქვა მან და აღნიშნა, რომ ის დამკვირვებელი არ არის და უბრალოდ რაღაცებს ინიშნავს. მან ჟურნალისტებს სიები და საბუთები არ აჩვენა.

ზუგდიდის სოფელ ჯიხაშკარში საარჩევნო უბნები 8 საათზე გაიხსნა. ადგილზე დილიდან მობილიზებულია პოლიცია. #76 საარჩევნო უბანზე რამდენჯერმე მცირე შელაპარაკებას ჰქონდა ადგილი არასამავრობო ორგანიზაციის დამკვირვებელსა და ცესკოს წარმომადგენლებს შორის. ისინი საარჩევნო ყუთიდან და ხმის მიცემის ადგილიდან დაშორებაზე კამათობდნენ. 2016 წლის საპარლამენტო არჩევნებზე ჯიხაშკარის ორივე უბანი დაარბიეს.