საპარლამენტო უმრავლესობის წევრი, რომან კაკულია ამბობს, რომ იუსტიციის უმაღლესი საბჭო უვადო მოსამართლეების სიის დასახელებისას პარლამენტს ისე მოექცა, როგორც იმსახურებდა. მოსამართლეების არჩევასთან დაკავშირებით კაკულიამ TV პირველის ეთერში ისაუბრა.

"კლანური სისტემა ჩვენი კულტურის ნაწილია, სამწუხაროდ. ჩვენ, ყველა კლანური აზროვნების ტიპები ვართ", — აღნიშნა მან. მოგვიანებით კი ამავე საკითხზე საუბრის დროს თქვა ფრაზა, [რეალობა ისაა, რაც პარლამენტიც ვართ, რა მთავრობაც ვართ...] რომელიც არ დაასრულა.

მისი თქმით, მოსამართლეების არჩევაზე კანონი, რომელსაც მან მხარი დაუჭირა, მოსწონს, თუმცა დღევანდელ პარლამენტს "ამ ვალდებულების შესრულება" არ შეუძლია. მანვე აღნიშნა, რომ დღევანდელი დომინანტი რამდენიმე მოსამართლე რომ შეიცვალოს, იმავეს საზოგადოებითა და პარლამენტით სხვა დომინანტ მოსამართლეებს მიიღებენ.

"მე შევეცადე დიდი სურათი დამენახა და დავსვი მთავარი შეკითხვა, შევძლებთ თუ არა დღევანდელი საზოგადოება, პარლამენტი მივიღოთ უკეთესი სასამართლო. მივედი იმ დასკვნამდე, რომ მე მგონი ეს არის შეუძლებელი. ის მოცემულობა, რაც არის ამის შეცვლის შესაძლებლობა ვერ დავინახე. პოპულიზმის საკითხი მე არ მაინტერესებდა და რჩებოდა ბრძოლა ქართულ ოცნებასთან", — განაცხადა მან.

საქართველოს პარლამენტში უზენაესის მოსამართლეთა არჩევის შესახებ ქართული ოცნების მომზადებულ კანონპროექტს კენჭი 19 აპრილს უყარეს და მეორე მოსმენით დაამტკიცეს. ქართულმა ოცნებამ ვენეციის კომისიის დასკვნების ნაწილი გაითვალისწინა, მათ შორის არამოსამართლე წევრებისთვის საკვალიფიკაციო გამოცდის მოხსნა და ინტერესთა კონფლიქტის ნაწილი. მმართველი გუნდის გადაწყვეტილებით, იუსტიციის საბჭოს წევრი, რომელსაც სურს უზენაესის მოსამართლეობა გამოეთიშა მოსამართლეობის კანდიდატების შერჩევის ყველა ეტაპს. უმრავლესობის დეპუტატების ნაწილმა კანონპროექტს მხარი არ დაუჭირა. ქართულმა ოცნებამ არ გაითვალისწინა რეკომენდაცია ფარული კენჭისყრის გაუქმების შესახებ და არც საბჭოს წევრებს ექნებათ გადაწყვეტილების მიღების დასაბუთების ვალდებულება.

ამავე თემაზე: