იყო და არა იყო რა, ოკეანის გადაღმა ცხოვრობდა წყვილი - ბრედი და ანჯელინა, რომელსაც ხალხმა სიყვარულით - ბრანჯელინა შეარქვა.

ბრედმა და ანჯელინამ ერთმანეთი 2004 წელს, მისტერ და მისის სმიტების გადასაღებ მოედანზე გაიცნეს. ჭორები მათი რომანის შესახებ მალევე გავრცელდა, თუმცა იმის გამო, რომ ამ დროს ბრედ პიტი ერთ-ერთ ყველაზე ცნობილ ამერიკელ მსახიობ ჯენიფერ ენისტონზე იყო დაქორწინებული, გავრცელებულ ინფორმაციას ყველა სიცრუედ აღიქვამდა.

ამიტომ, ყველგან, სადაც მიდოდნენ, ერთმანეთთან დისტანციას იჭერდნენ.

2005 წლის იანვარში ჯენიფერ ენისტონი და ბრედ პიტი ერთმანეთს დაშორდნენ, მაშინ ყველა ამბობდა რომ ჰოლივუდის ყველზე ლამაზი სასიყვარულო ისტორია დასრულდა.

რეალურად კი ამ დიდი განქორწინებით ყველაზე ლამაზი ჰოლივუდური ისტორია დაიწყო.

განქორწინებიდან რამდენიმე თვეში ბრედი და ანჯელინა საზოგადოების წინაშე როგორც წყვილის სტატუსით წარსადგნენ და ანჯელინას შვილ მედოქსთან ერთად ეთიოპიაში წავიდნენ, სადაც გოგონა ზაქარი იშვილეს.

2006 წლის იანვარში მათ პირველი შვილი, შაილო შეეძინათ. რომლის ფოტოშიც People Magazne-მა $4.1 მილიონი გადაიხადა. ეს თანხა ბრანჯელინამ მთლიანად საქველმოქმედო საქმიანობაში დახარჯა.

2007 წლის იანვარში წყვილი ოქროს გლობუსის ცერემონიალს ეწვია. პიტი, ბაბილონში შესრულებული როლისთვის, საუკეთესო მეორეხარისხოვანი როლისთვის იყო ნომინირებული.

წყვილის ბედნიერებას სულ უფრო და უფრო მეტი გულშემატკივარი ჰყავდა, მით უმეტეს მას შემდეგ, რაც ანჯელინას მეორე ორსულობის შესახებ გახდა ცნობილი. ბრედ პიტი ამჯერად ტყუპების მამა ხდებოდა.

2008 წლის 18 აგვისტოს ჟურნალ People-ის ყდას ტყუპები კოქსი და ვივიენი ამშვენებდნენ, ფოტოში ჟურნალმა $11 მილიონი გადაიხადა.

2009 წლის მაისში წყვილი კანის საერთაშორისო კინოფესტივალზე უსახელო ნაბიჭვრების პრემიერას დაესწრო.

2010 წლის დეკემბერში ბრედი ანჯელინას ახალი ფილმის ტურისტის პრემიერაზე მასთან ერთად მივიდა.

2014 წელს ანჯელინა ჯოლის ფეხმა მთელი ოსკარის ცერემონიალი გადაფარა და მეორე დღეს განხილვის მთავარი თემა გახდა.

ბრანჯელინას ქორწილი შოუ-ბიზნესის, არამხოლოდ თვის, დღის ან კვირის, არამედ წლის და ათწლეულის ერთ-ერთი ყველაზე მნიშვნელოვანი მოვლენა იყო. განსაკუთრებით კი ენჯის კაბა, რომელზეც მისი ექვსი შვილის ნახატები იყო გამოსახული

ანჯელინა ჯოლი რომ ქალთა უფლებებისთვის აქტიურად იბრძვის, ახალი არავისთვის არის, ამაში მხარს ბრედიც აქტიურად უჭერდა და წყვილიც ერთად დადიოდა სექსუალური ძალადობის წინააღმდეგ გამართულ მსოფლიო სამიტებზე, სადაც ჯოლი ყოველთვის შთამაგონებელი სიტყვით გამოდიოდა.

2014 წლის დეკემბერში ჯოლიმ და პიტმა ჟურნალ Vanity Fair-თან ინტერვიუში თავიანთ ურთიერთობაზე ისაუბრეს და აღნიშნეს, რომ მათი ურთიერთობა უცვლელი და მყარი დარჩა მას შემდეგაც, რაც ოფიციალურად დაერქვათ ცოლი-ქმარი.

ბრანჯელინამ საკუთარი თაფლობის თვე მალტაში გაატარა, სადაც ერთობლივ ფილმზე ზღვასთან მუშაობდნენ. წყვილი ფილმშიც ცოლ-ქმრის როლს თამაშობდა, რომელთაც ურთიერთობაში პრობლემები ექმნებათ და გამოსავლის ძიებას იწყებენ.

ეს კი ჯერ-ჯერობით წყვილის უკანასკნელი ფოტოებია.

იყო და არა იყო რა,ოკეანის გადაღმა ცხოვრობდა წყვილი ბრედი და ანჯელინა, რომელმაც ერთ დღეს თქვეს - ყველა ამბავი ბედნიერად არ მთავრდება.