საქართველოს პრემირ-მინისტრმა მამუკა ბახტაძემ განაცხადა, რომ ე.წ. სამხედრო ქალაქში ბინების გადანაწილების კრიტერიუმი ოჯახში ბავშვების რაოდენობაზე იქნება დამოკიდებული. ეს განცხადება მამუკა ბახტაძემ სამხედრო ქალაქის მშენებლობის დაწყებისადმი მიზღვნილ ღონისძიებაზე გააკეთა.

რას გულისხმობს ეს კრიტერიუმი დეტალურად ამ ეტაპისთვის უცნობია, თუმცა ბახტაძე ამბობს, რომ "საქართველოს ყველაზე ღირსეულ შვილებს უნდა ჰქონდეთ ყველანაირი შესაძლებლობა, რომ მეტი შვილი აღუზარდონ სამყაროს".

"ეს არის ემოციური პროექტი. განსაკუთრებული სიამაყით მინდა აღვნინო, რომ უკვე 700-მდე სამხედრო მოსამსახურემ გამოთქვა სურვილი და გაწევრიანდება ამხანაგობაში, სადაც ჩვენ ავაშენებთ ახალ უბანს. ეს არის პირველი ნაბიჯი და ამას მოჰყვება ბევრი სხვა რამ. საქართველოს ყველაზე ღირსეულ შვილებს ჰქონდეთ ყველანაირი შესაძლებლობა, რომ მეტი შვილი აღუზარდოს სამყაროს და ბინების განაწილების კრიტერიუმები დაფუძნებული იქნება ბავშვებს რაოდენობაზე ოჯახში. თქვენ იცავთ ჩვენს ქვეყანას და თქვენი დაფასება ჩვენი ვალია", — განაცხადა მამუკა ბახტაძემ.

საქართველოს თავდაცვის სამინისტრომ, დღეს, 30 აპრილს ოფიციალურად დაიწყო ე.წ. სამხედრო ქალაქის მშენებლობა, რომელიც მახათას მთაზე განლაგდება.