საზოგადოებრივი მაუწყებლის აჭარის ტელევიზიის გადაყენებული დირექტორი, ნათია კაპანაძე მრჩეველთა საბჭოს იმ გადაწყვეტილებას ასაჩივრებს, რომლითაც დირექტორის შესარჩევად კონკურსი გამოცხადდა. ამის შესახებ ინფორმაცია მან On.ge-ს დაუდასტურა.

კაპანაძეს სარჩელის დეტალებთან დაკავშირებით არ უსაუბრია. ის, ასევე, გეგმავს, სასამართლოში გაასაჩივროს მრჩეველთა საბჭოს (19 აპრილის) ის გადაწყვეტილება, რომლითაც მას იმპიჩმენტი გამოუცხადეს.

ეს პირველი შემთხვევა არაა, როცა საზოგადოებრივი მაუწყებლის გადაყენებული დირექტორი მის თანამდებობაზე გამოცხადებული კონკურსის შეჩერებას ითხოვს. ასე მოხდა 2013 წელსაც, როცა საზოგადოებრივი მაუწყებლის გადაყენებულმა დირექტორმა, გიორგი ბარათაშვილმა კონკურსის შეჩერება მოითხოვა. სასამართლომ მიიჩნია, რომ ბარათაშვილის სარჩელის განხილვის დასრულებამდე კონკურსი უნდა შეჩერებულიყო. მაშინ გადაყენებული დირექტორის ინტერესებს საქართველოს ახალგაზრდა იურისტთა ასოციაციიდან ახალა უკვე აჭარის ტელევიზიიდან გადაყენებული ნათია კაპანაძე იცავდა.