ფოთის საკრებულოს სხდომაზე საკრებულოს თავმჯდომარე, ირაკლი კაკულია და ევროპული საქართველოს წევრი, ვახტანგ დარცმელიძე ერთმანეთს სიტყვიერად დაუპირისპირდნენ. სხდომაზე დაპირისპირება მერის ანგარიშის წარდგენას მოჰყვა. კადრებს რუსთავი 2 ავრცელებს.

ოპოზიციის განცხადებით, ქალაქში მძიმე სოციალური მდგომარეობა და ინფრასტრუქტურული პროექტები არ ხორციელდება. მათივე თქმით, რაც კეთდება, ყველაფერი უხარისხოა. ამ განცხადებას საკრებულოს თავმჯდომარის მხრიდან ოპოზიციის მისამართით რეპლიკა მოჰყვა: "ჩვენ შორის მტყუანის დედას შე...ცი".

მოგვიანებით ოპოზიციის წევრმა ქალაქის მერს მატყუარა, ჭორიკანა, უნიათო და პატარა კაცუნა უწოდა.

"ის ყველაფერი, რაც ხდება ქალაქში, არის მისი მერობის დროს ჩადენილი და გაჩერებული და გაფლანგული ეს თანხები. კრიტიკას როდესაც ეუბნები, მას ჰგონია, რომ ეს პირადულია და ამას ყველაფერს მოჰყვა ეს ყველაფერი", — თქვა ევროპული საქართველოდან ფოთის საკრებულოს წევრმა, გოჩა დარცმელიძემ.