რუსთავი 2-ის დახურვისა და მთავრობის გადადგომის მოთხოვნით მოქალაქეთა ჯგუფმა ტელევიზიის შენობასთან აქცია გამართა. აქციაზე მისულებს თან ჰქონდათ პლაკატები წარწერით: "ღმრთისმგმობელი რუსთავი 2" .

აქციის ერთ-ერთმა ორგანიზატორმა, გურამ ფალავანდიშვილმა განაცხადა, რომ მარტო რუსთავი 2-ის დახურვა არ არის საკმარისი და ხალხმა მთავრობაც უნდა დაამხოს.

"სხვა მხრივ, ეკლესიის შეურაცხყოფის პატიება არ შეიძლება. თუ მთავრობას არ გადავაგდებთ, რომელიც ამ ყველაფრის გარანტიაა და პირადად ბატონი ბიძინა ივანიშვილი. სააკაშვილი, სხვათა შორის, წინააღმდეგ გამოვიდა და დაგმო გვარამიას გამოსვლა. ნაცები არ გეგონოთ, ისე გეუბნები, დაგმო და თქვა, რომ ქრისტიანი ვარ", — თქვა მან და აღნიშნა, რომ ივანიშვილი სააკაშვილზე უარესი ფორმაა.