ვაზისუბანში, სუპერმარკეტ სმარტში მყოფი თვითმხილველი რუსთავი 2-თან საუბარში აცხადებს, რომ ცოტა ხნის წინ სუპერმარკეტში არსებულ საქართველოს ბანკის ფილიალში ნიღბიანი და შეიარაღებული პირი შეიჭრა:

"მოლარე გოგოებს მიუშვირა იარაღი დაჩქარა ფულიო, დაუყვირა, მიაწოდა ტომარა და ყველას, ვინც დარბაზში ვიყავით, დაგვიყვირა, არცერთი არ გახვიდეთ, დაწექითო. გასროლის ხმაც გავიგე".

შინაგან საქმეთა სამინისტრომ On.ge-ს განუცხადა, რომ ბანკზე თავდასხმას დაშავებულები არ ჰყავს:

"2-მა პირმა დააყაჩაღა ბანკი და 179-ე მუხლით მიმდინარეობს გამოძიება".

ნეტგაზეთის ინფორმაციით, ამ დროისთვის სუპერმარკეტი დახურულია, საქართველოს ბანკში კი არ ამბობენ, მოახერხეს თუ არა მძარცველებმა თანხის გატანა.

ადგილზე ექსპერ-კრიმინალისტები მუშაობენ.