ვენესუელაში ოპოზიციის ლიდერს, პარლამენტის სპიკერს ხუან გუაიდოს 15 წლის სახელმწიფოს თანამდებობის დაკავება აუკრძალეს. იანვარში გუაიდომ საკუთარი თავი დროებით პრეზიდენტად გამოაცხადა და ნიკოლას მადუროს გადადგომა მოითხოვა.

როგორც ვენესუელის გენერალური აუდიტორი, ელვის ამოროსოს განმარტავს, გადაწყვეტილება დაკავშირებულია გუაიდოს ფინანსური დეკლარაციის დარღვევებთან და მის "პოლიტიკურ საქმიანობასთან კავშირი არ აქვს". როგორც BBC წერს, გადაწყვეტილება ძალაში შევა, თუ ოპოზიციონერი გადაწყვეტს პარლამენტში კენჭი ხელახლა იყაროს.

თვითონ გუაიდომ ბრალდებები უარყო და განაცხადა, რომ ამოროსოს გენერალურ აუდიტორად არ აღიარებს.

"მხოლოდ კანონიერ კონგრესს აქვს უფლება, გენერალური აუდიტორი დატოვოს", — აღნიშნა გუაიდომ.

ხუან გუაიდო, რომელსაც დასავლეთის ქვეყნების დიდი ნაწილი უჭერს მხარს, რამდენიმე კვირაა, რაც მადუროს რეჟიმის დასამხობად საპროტესტო აქციებს მართავს. გენერალურმა პროკურატურამ მას ქვეყნის დატოვება აუკრძალა, თუმცა ამის მიუხედავად გუაიდო კოლუმბიაში გაემგზავრა, სადაც რამდენიმე ქვეყნის წარმომადგენელს შეხვდა.

ამავე თემაზე: