ბათუმში პრემიერმინისტრმა, გიორგი კვირიკაშვილმა საქართველოს საერთაშორისო საზღვაო ფორუმი გახსნა. ღონისძიებას 40-ზე მეტი ქვეყნის დელეგაცია ესწრება.

საზღვაო ქალაქში იმყოფებიან ასევე საერთაშორისო საზღვაო ორგანიზაციის გენერალური მდივანი, საერთაშორისო საფინანსო ინსტიტუტებისა და საერთაშორისო საზღვაო ინდუსტრიის წარმომადგენლები. შეხვედრის ფარგლებში დისკუსიები გაიმართება საზღვაო ნაოსნობის როლზე მსოფლიო ეკონომიკაში, ზღვის გარემოს დაცვის საკითხებზე.

ფორუმის ფარგლებში ასევე ხელი მოეწერება მთავრობათაშორის შეთანხმებებს საქართველოს, მალტას, უკრაინასა და ირანს შორის.