ქართული ოცნების პოლიტსაბჭოს სხდომაზე პარტიის მდივნების თანამდებობეზე დანიშვნის საკითხი განიხილეს. ამის შესახებ ქართული ოცნების აღმასრულებელმა მდივანმა, კახა კალაძემ განაცხადა.

მისი თქმით, შემოიღეს პოლიტიკურ პარტიებთან ურთიერთობის მდივნის თანამდებობა. აღნიშნულ თანამდებობას დაიკავებს პარტიის პოლიტსაბჭოს წევრი, გიორგი ვოლსკი.

ასევე ოფიციალურად დადასტურდა, რომ აქტიურ პარტიულ საქმიანობას უბრუნდება ირაკლი ღარიბაშვილი, რომელიც დაიკავებს პარტიის პოლიტიკური მდივნის და პარტიის პოლიტსაბჭოს წევრის თანამდებობას.