ბათუმის ერთ-ერთ საბავშვო ბაღში 4 წლის ბავშვმა სადეზინფექციო ხსნარი დალია. შემთხვევა 21 იანვარს დილით მოხდა. ბავშვი ამჟამად თბილისში, იაშვილის კლინიკაში მკურნალობს. ამის შესახებ აჭარის ტელევიზიამ გაავრცელა ინფორმაცია.

ბათუმის ბაღების გაერთიანების ხელმძღვანელი მამუკა შამილიშვილი On.ge-სთან საუბარში ჰყვება, რომ გრიპის ვირუსებთან დაკავშირებით, ბაღებში მიმდინარეობს სადეზინფექციო ღონისძიებები. მისი თქმით, სწორედ ძიძის მიერ მაგიდაზე დატოვებული, "გაზავებული ხსნარი" დალია ბავშვმა, თუმცა იქვე აღნიშნავს, რომ "არ გადაუყლაპავს".

"დილით ბავშვების მოსვლამდე დეზინფექცია გააკეთა ზედაპირების. ქიმიური, გაზავებული სითხე მორჩა და ეს უნდა წაეღო და ჩაეღვარავ ძირითად კონტეინერში. ამ დროს ერთი ბავშვი სეყვა სანმზარეულოში, წყალი მოუთხოვია. ამ ძიძამ ინსტინქტურად დადო და დაიწყო წყლის სევსება. ჰყვება, რომ მოვბრუნდიო უკვე ამ ბავშვს პირთან ჰქონდა მიტანილი ხსნარიო. დალევით ვერ გადაყლაპავდა, მოგეხსენებათ, სუნი და გემო როგორი ექნებოდა, მაგრამ პირში მოხვედრილია", — ამბობს მამუკა შამილიშვილი.

შამილიშვილი ამბობს, რომ არანაირი საფრთხე არ ემუქრება ბავშვს, მაგრამ მიმდინარეობს დაკვირვება. ამასთან, დაწყებულია დისციპლინური საქმის წარმოება.