იუსტიციის მინისტრის, თეა წულუკიანის თქმით, იურიდიული კომიტეტის ყოფილი თავმჯდომარე ეკა ბესელია მმართველი გუნდის ერთ-ერთ წარმმართველ გუნდად დარჩება. მან ბესელია "ძველი გვარდიის" წევრად მოიხსენია. მინისტრის თქმით, მას არ მოსწონს გუნდის წევრებს შორის საჯარო მწვავე დებატები.

"მიუხედავად იმისა, რომ მეც არ მომეწონა პიროვნულად ის, რაც ვნახეთ იურიდიული კომიტეტის სხდომაზე, ვფიქრობ, ძალიან მცდარია ოპონენტების მოლოდინი, რომ გუნდი გაიყოფა ან გაიხლიჩება, რადგან მიუხედავად აზრთა სხვადასხვაობისა, ეს არის ძლიერი პოლიტიკური გუნდი. მე არ ვფიქრობ, რომ დაშლის საფრთხე არსებობს", — აღნიშნა მინისტრმა.

წულუკიანის თქმით, ოპონენტების მოლოდინი, რომ გუნდი გაიხლიჩება, უადგილოა.

27 დეკემბერს იურიდიულ საკითხთა კომიტეტის თავმჯდომარე, ეკა ბესელია გადადგა. მისი თქმით, ამით უზენაესი სასამართლოს მოსამართლეების დამტკიცებას შეუშალა ხელი. მისი განმარტებით, ის მას შემდეგ გადადგა, რაც მისმა მოადგილემ, ვანო ზარდიაშვილმა თანამდებობების დატოვების მოთხოვნით მიმართა. ბესელიას გადადგომის შემდეგ ზარდიაშვილს მოუწევდა ამ თანამდებობაზე მუშაობა.

იუსტიციის უმაღლესმა საბჭომ უზენაესი სასამართლოს მოსამართლეობის 10 კანდიდატი წარადგინა. ამის მიუხედავად, დღემდე არ არსებობს პროცედურა, რომლითაც იუსტიციის უმაღლესმა საბჭომ მოსამართლეობის კანდიდატები უნდა წარადგინოს. ამ მიზეზით, არასამთავრობო ორგანიზაციების ნაწილსა და საბჭოს არამოსამართლე წევრებს პროცესის ობიექტურობასა და მიუკერძოებლობაზე კითხვები უჩნდებათ.

დასახელებულ კანდიდატებს შორის არიან: თამარ ალანია; მერაბ გაბინაშვილი; დიმიტრი გვრიტიშვილი; გიორგი მიქაუტაძე; ნინო სანდოძე; პაატა სილაგაზე; გიორგი ტყავაძე; ნინო ქადაგიძე; მიხეილ ჩინჩალაძე; მარიამ ცისკაძე.

იუსტიციის საბჭოს არამოსამართლე წევრი, ნაზი ჯანეზაშვილი და არასამთავრობო სექტორის ნაწილი მათ "ჩინჩალაძის კლანად" მოიხსენიებს.

ამავე თემაზე: სასამართლოს სუიციდად შეფასებული გადაწყვეტილება და უვადო მოსამართლეობის 10 კანდიდატი