იუსტიციის უმაღლესი საბჭოში მოსამართლე ლევან მურუსიძის მოსმენა დასრულდა. მურუსიძე არამოსამართლე წევრების კითხვებს პასუხობდა სანდრო გირგვლიანის საქმესთან დაკავშირებით. საბჭოს დატოვების შემდეგ ჟურნალისტებმა მურუსიძეს კითხეს აქვს თუ არა დღევანდელი სხდომის შემდეგ უვადო მოსამართლედ დანიშვნის იმედი, რაზეც მან უპასუხა:

"არ ვიცი, ვერ გეტყვით. როგორი თემა არის იცით, მურუსიძეს მხარი დაუჭირო ამ პირობებში, მთელი 2 წლის განამვლობაში, რაც ჩემთან მიდიოდა, ცოტა დიდი ვაჟკაცობა ჭირდება", — განაცხადა მოსამართლემ.

მურუსიძემ აღნიშნა, რომ ხმის მიცემის პროცესში დიდი იმედი აქვს მისი კოლეგების ანუ იუსტიციის საბჭოს მოსამართლე წევრების. თუმცა იქვე აღნიშნა, რომ მხოლოდ მათი ხმა საკმარისი არ არის.

მურუსიძის უვადოდ გამწესებას არ ეთანხმებიან საბჭოს არამოსამართლე წევრები, ანა დოლიძე და ნაზი ჯანეზაშვილი. ისინი ამბობენ, რომ მურუსიძე ე.წ. ჩინჩალაძის კლანის წევრია. მურუსიძემ განმარტა, რომ ის არავისთან არ არის კავშირში და იმ სასამართლოს ლიდერია, რომელიც "აერთიანებს მოსამართლეებს იმ თემებზე საბრძოლველად, რასაც ჰქვია სასამართლოს რეალური დამოუკიდებლობა".

შეხვედრაზე მურუსიძემ განაცხადა ისიც, რომ გირგვლიანის საქმეზე ორი წლის განმავლობაში პოლიტიკური პარტიები მას აწმენდნენ ხელს. მისი მტკიცებით, იმ პირობებში, რაშიც თვითონ მოუწია მუშაობა სხვა დასკვნას ვერავინ გამოიტანდა.

ლევან მურუსიძე არაერთ გახმაურებულ საქმესთან არის დაკავშირებული, როგორც წინა ხელისუფლების დროს, ისე ახლა. ნაციონალური მოძრაობის მმართველობის დროს მან განიხილა სანდრო გირგვლიანის მკვლელობის საქმე. მისი გადაწყვეტილებით გირგვლიანის მკვლელობაში ბრალდებულებს სასჯელები შეუმცირდათ. მოქმედი ხელისუფლების დროს კი მურუსიძემ განიხილა აიისას საქმე.