ლიბიის დედაქალაქ ტრიპოლში საგარეო საქმეთა სამინისტროზე თავდასხმის შედეგად სულ ცოტა 3 ადამიანი დაიღუპა და 10 დაშავდა. Aljazeera-ს ინფორმაციით, სამინისტროს ჯერ ავტომატებით შეიარაღებული პირები დაესხნენ თავს, შემდეგ კი ერთ-ერთმა პირმა თავი აიფეთქა.

ადგილობრივმა ხელისუფლებამ ინციდენტი ტერორისტულ აქტად შეაფასა. მომხდარზე პასუხისმგებლობა ჯერჯერობით არავის აუღია.

ლიბიაში დაპირისპირება კანონიერ მთავრობასა და სამხედრო დაჯგუფებებს შორის 2011 წლიდან მიმდინარეობს, მას შემდეგ რაც დიქტატორი მოამარ კადაფი ჩამოაგდეს. ამერიკის ხმის ინფორმაციით, არეულობაა ქვეყნის აღმოსავლეთ ნაწილშიც, სადაც ქვეყნის ნავთობის მარაგია კონცენტრირებული. ლიბიაში ბოლო წლებში ე.წ ისლამური სახელმწიფოც აქტიურად საქმიანობს.