შინაგან საქმეთა სამინისტროს განცხადებით, მათ დააკავეს რუსეთის მოქალაქე, რომელიც საქართველოში ინტერნეტით ნარკოტიკის გავრცელებას აპირებდა.

გამოძიების ინფორმაციით, ბრალდებული ნარკოტიკული საშუალების უკანონო შეძენა-შენახვის ბრალდებით ჟინვალში დააკავეს. უწყების განმარტებით, პირადი ჩხრეკისას ერთ შეკვრად დაფასოებული ნახევარ კილომდე ნარკოტიკული საშუალება "ალფა-პვპ" ნივთმტკიცებად ამოიღეს, რაც რამდენიმე ათასი ადამიანის ნარკოტიკული თრობისთვის არის საკმარისი.

გამოძიება ნარკოტიკული საშუალების უკანონო შეძენა-შენახვის ფაქტზე, საქართველოს სსსკ-ის 260-ე მუხლის მე-1 ნაწილით მიმდინარეობს, რაც ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას, შეძენას, შენახვას, გადაზიდვას ან გადაგზავნას გულისხმობს. ისჯება თავისუფლების აღკვეთით ვადით ექვს წლამდე.