თბილისის მერია 2019 წლის მისალოცი ვიდეოს გადაღებაში 100 000 ლარის დახარჯვას გეგმავს. ხელშეკრულება ტენდერის გარეშე, პირდაპირი წესით დაიდება. შესყიდვისთვის თბილისის მერიის დაქვემდებარებულ უწყებას შესყიდვების სააგენტოს თანხმობა სჭირდება.

"საკითხის სპეციფიკიდან გამომდინარე, მუდმივად იცვლება და იხვეწება ვიზუალურ-გამომსახველობითი ტენდენციები, რაც ხშირად ხელს უშლის ვიდეო პროდუქციის წინასწარ დაკვეთის დაგეგმვას", — ასეა ახსნილი მომსახურების ტენდერის გარეშე ყიდვა.

მერიამ გასულ წელსაც დაამზადა ახალი წლის მისალოცი ვიდეო. მაშინ მერიამ ორი ვიდეო დაუკვეთა, ერთში 115 187 ლარი დახარჯა, მეორეში — 57 731,5 ლარი.