ყოფილმა პრეზიდენტობის კანდიდატმა, ზურაბ ჯაფარიძემ თავისი პარტიის, გირჩის ფეისბუქგვერდზე ვიდეოების სერია გააგრძელა და "რძე და ყველის" შემდეგ ამომრჩეველს სარი უჩვენა.

"რა ვქნათ არჩევნებზე", — სვამს კითხვას ზურა ჯაფარიძე ვიდეოში და დასკვნების გამოტანისთვის თავისუფალ სივრცეს ტოვებს, ერთი მინიშნებით — კადრში ჩანს სარი, წარწერით "სარი".

შესაძლოა, ვიდეოს ქვეტექსტი მაყურებლისთვის, ერთი შეხედვით, ნათელია, მაგრამ თავად ზურა ჯაფარიძე განმარტავს, რომ ამ ჟესტით ამომრჩეველს "ბრძოლისკენ" მოუწოდებს.

"ამ ვიდეოთი ხალხს მინდა ვუთხრა, რომ ბრძოლა წინაა", — განუცხადა On.ge-ს ჯაფარიძემ. თუმცა არ დაუკონკრეტებია, რითი აპირებს ბრძოლას პრეზიდენტობის ყოფილი კანდიდატი...

ეს "ალეგორიული" ვიდეო ზურა ჯაფარიძის წინასაარჩევნო გადაწყვეტილების გაგრძელებაა. მან თავის 36 023-ს ამომრჩეველს მეორე ტურში უთხრა, რომ "არცერთი პრეზიდენტობის კანდიდატის შემომხაზველი" არაა.

"ვიტყუებ, ვუყურებ და ვყლაპავ ამდენ სიბინძურეს. არ მინდა, იმდენი გიქნიათ, ჩამხრჩვალხართ ამ ნეხვში", — დაწერა პოლიტიკოსმა.

არჩევნების პირველი ტურის შემდეგ ზურაბ ჯაფარიძემ განაცხადა, რომ მხარს დაუჭერდა ადამიანს, გრიგოლ ვაშაძეს, რომელმაც ის "პედოფილს შეადარა". ის არ მოუწოდებდა თავის მხარდამჭერებს, რომ ხმა მიეცათ მეორე ტურში გასული რომელიმე კანდიდატისთვის. ჯაფარიძე ამბობდა, რომ თავისუფალი ადამიანები თავად მიიღებენ გადაწყვეტილებას.

ამომრჩევლის გაწბილებამდე კი ზურა ჯაფარიძემ საოკუპაციო ხაზთან შარვალი ჩაიხადა და ოკუპანტებს უკანალი უჩვენა.