"ბიძინა ივანიშვილის ინტერვიუ, ბუნებრივია, იყო კრიტიკული, მაგრამ ამავე დროს - ობიექტური, - ასე შეაფასა პრემიერ-მინისტრმა, მამუკა ბახტაძემ ქართული ოცნების თავმჯდომარის, ბიძინა ივანიშვილის ინტერვიუ.

მისივე თქმით, ნათლად არის დანახული ყველა ხარვეზი, რომელიც მმართველობით სისტემაში არსებობდა.

"ჩვენ ჯერ კიდევ არჩევნებამდე დავიწყეთ მნიშვნელოვანი ცვლილებების განხორციელება, რომ მმართველობითი სისტემა უფრო ეფექტური გამხდარიყო. ჩვენ გასატარებელი გვაქვს ძალიან მნიშვნელოვანი რეფორმები. საქართველოს ბიუჯეტი და პარტნიორებისგან მიღებული დახმარება გვაძლევს საშუალებას, რაც შეიძლება მეტი სიკეთე მივიტანოთ ჩვენს მოქალაქეებამდე", — განაცხადა პრემიერმა ბრიუსელში ყოფნის დროს.

ყოფილმა პრემიერ-მინისტრმა, ბიძინა ივანიშვილმა 20 ნოემბერს ტელეკომპანია იმედს ინტერვიუ მისცა.

მმართველი პარტიის თავჯდომარემ ქართული ოცნების გუნდზეც ისაუბრა. მან მის მიერ დაკომპლექტებული გუნდ შეაქო, თუმცა, ამავე დროს, აღნიშნა, რომ გუნდში ერთგულების ნიშნით აღარ დაწინაურდებიან.

გარდა ამისა, ივანიშვილმა საპრეზიდენტო არჩევნებსა და მის მიერ მხარდაჭერილს საპრეზიდენტო კანდიდატზე, სალომე ზურაბიშვილზე ისაუბრა.