საქართველოს მართლმადიდებელი ეკლესიის საპატრიარქო აცხადებს, რომ პატრიარქის, ილია მეორეს სახელით ქართული ოცნებისთვის მიმართვა მათ არ გაუვრცელებიათ. საპატრიარქო განმარტავს, რომ მოძრაობა "ძლევაი საკვირველი" არ არის ეკლესიასთან დაკავშირებული.

"გარკვეული ძალები ძალიან ცდილობენ პოლიტიკურ პროცესებში ჩართონ ეკლესია და ამა თუ იმ პარტიის მხარდამჭერად წარმოაჩინონ იგი. ხშირია შემთხვევები, როცა ამ მიზნის მისაღწევად მანიპულირებენ ამა თუ იმ სასულიერო პირის განცხადებითაც", — აღნიშნულია საპატრიარქოს განცხადებაში და განმარტებულია, რომ მანამდე მათი სახელით წერილის გამავრცელებლები "სიცრუის მსახურნი" არიან.

საქართველოს პატრიარქის სახელით ქართული ოცნების მიმართ მიმართვა გუშინ, 2 ნოემბერს გავრცელდა. 5-პუნქტიან განცხადებაში აღნიშნული იყო, რომ თუ ქართული ოცნება ამ მოთხოვნებს შეასრულებდა, პირველ ტურზე არ მისული ამომრჩეველი მეორე ტურში ხელისუფლებისგან მხარდაჭერილ კანდიდატს, სალომე ზურაბიშვილს მისცემდა ხმას.