შინაგან საქმეთა სამინისტრომ საპრეზიდენტო კანდიდატი, ზურა ჯაფარიძე მარიხუანის დარიგების შემდეგ დააკავა. როგორც შინაგან საქმეთა სამინისტროში On.ge-ს განუცხადეს, ჯაფარიძის დაკავებაზე დეტალებს აზუსტებენ. საპრეზიდენტო კანდიდატმა ფესტივალის მონაწილეებს სამი ჯოინთი გადასცა, რაც კანონდებლობით გასაღებად ითვლება.

როგორც ჯაფარიძე აქამდე ამბობდა, ამ ქმედებით მან სამოქალაქო დაუმორჩილებლობის აქტი განახორციელა.

გირჩის ინფორმაციით, იაგო ხვიჩიას, ვახო მეგრელიშვილისა და ნიკა ობოლაძის შემდეგ, კრიმინალურმა პოლიციამ განყოფილებაში ორი მხარდამჭერი წაიყვანა. მათი განმარტებით, დედაენის ბაღში მხარდამჭერებს ხუმრობით მგლისა და დათვის ფორმები ეცვათ.

შსს განმარტავს, რომ ყველა მათგანი გამოძიების ფარგლებში წაიყვანეს. როგორც უწყებამ On.ge-ს განუმარტა ფესტივალის ჩატარებასთან დაკავშირებით გამოძიება მცენარე კანაფის ან მარიხუანას უკანონო შეძენა-შენახვისა და გასაღების მუხლით არის დაწყებული.