Sputnik Osetia-ს ინფორმაციით, 2008 წლის აგვისტოს მოვლენებისადმი მიძღვნილი ღონისძიებების გამო, სამხრეთ ოსეთის ე.წ. სახელმწიფო საზღვარი საქართველოსთან 3 დღით დაიკეტება. როგორც ადგილობრივი უშიშროების კომიტეტში აცხადებენ, დე-ფაქტო სახელმწიფოში სხვადასხვა ღონისძიება 2008 წელს "საქართველოს მორიგი აგრესიის" წლისთავის აღსანიშნად გაიმართება.

გამოცემის ცნობით, ამ 3 დღის განმავლობაში ოკუპირებულ ცხინვალში 2008 წელს "საქართველოს აგრესიის მსხვერპლებს" გაიხსენებენ. ღონისძიებები ცხინვალსა და სხვა რაიონულ ცენტრებში გაიმართება.

აღნიშნული საზღვარი 6 აგვისტოს საღამოს 8 საათზე დაიკეტება და 9 აგვისტოს დილის 9 საათზე გაიხსნება.