ტურინის იუვენტუსის ფორვარდი გონსალო იგუაინი ახალი სეზონიდან მილანის მაისურით იასპარეზებს. რამდენიმე საათის წინ იგი მილანში ჩავიდა, სადაც მას როსონერის გულშემატკივრები დახვდნენ.

"თავს ძალიან კარგად ვგრძნობ, ხვალ სამედიცინო შემოწმებას გავივლი და იმედი მაქვს, რომ კონტრაქტსაც გავაფორმებ. მინდა მივესალმო მილანის გულშემატკივრებს და თან მადლობა გადავუხადო იუვენტუსის ფანებს, რომლებიც მუდმივად მხარდაჭერას მიცხადებდნენ", - აღნიშნა იგუაინმა.

იგი მილანელებს იჯარით შეუერთდება, თუმცა ამ უკანასკნელებს არგენტინელი თავდამსხმელის გამოსყიდვის უფლებაც ექნებათ.