3 აგვისტოს მიღებული გადაწყვეტილებით, საქართველოს ცენტრალურმა საარჩევნო კომისიამ საქართველოს პარლამენტის 8 ოქტომბრის არჩევნებისათვის რეგისტრაციაში გაატარა მოქალაქეთა პოლიტიკური გაერთიანება "პაატა ბურჭულაძე - სახელმწიფო ხალხისთვის".

შესაბამის განკარგულებას ცესკოს თავმჯდომარის მოვალეობის შემსრულებელმა დღეს მოაწერა ხელი.

საარჩევნო სუბიექტის რიგითი ნომერი სექტემბრის დასაწყისში განისაზღვრება ცესკოს მიერ.

8 ოქტომბრის საპარლამენტო არჩევნებისთვის, ამ დროისათვის 31 პოლიტიკური პარტიაა დარეგისტრირებული, 27 რეგისტრაციის პროცესშია, ხოლო 4 პარტიას სხვადასხვა მიზეზით უარი ეთქვა რეგისტრაციაზე.

პარლამენტის არჩევნებისთვის რეგისტრირებული საინიციატივო ჯგუფებისა და მაჟორიტარი კანდიდატების სრული სია შეგიძლიათ იხილოთ აქ.