საქართველოს პრეზიდენტს, გიორგი მარგველაშვილს მიაჩნია, რომ ქართულმა ოცნებამ პრეზიდენტის ინსტიტუტს შეურაცხყოფა მიაყენა და ამის გამო ვერ ასახელებენ საპრეზიდენტო კანდიდატს. მარგველაშვილის თქმით, ეს ყველაფერი პოლიტიკური კურიოზია.

"აი რომ დაასახელებენ კანდიდატს, ხომ უნდა ჰკითხონ, რომ სადაც გეტყვიან იქ დაჯდები ხო? ხომ გამოხვალ იქიდან, როგორც გეტყვიან? ხომ ვერ იტყვის [კანდიდატი], რომ არა? მერე რომ ეტყვიან, ვეტოს დაადებ კანონს, როგორ იტყვის, რომ დავადებ ვეტოსო, როდესაც ამის გამო ლამის სახელმწიფოს მტრად გამომაცხადეს. იმდენ რაღაცაზე უნდა მიაყენოს საკუთარ თავს შეურაცხყოფა [კანდიდატმა], რომ უჭირთ დასახელება", - განაცხადა პრეზიდენტმა TV25-ის ეთერში.