ჯგუფ ქუჩის ბიჭების ერთ-ერთი სოლისტის, ირაკლი ნოზაძის დაჭრის საქმეზე დაკავებულს, თათია ჯანჯღავას და შეუტყობინებლობისთვის დაკავებულ ნათია თოფურიას, თბილისის საქალაქო სასამართლომ წინასწარი პატიმრობა შეუფარდათ.

გამოძიების ვერსიით, მკვლელობის მცდელობაში ბრალდებულმა მიმდინარე წლის 25 ივნისს თბილისში, წერეთლის გამზირზე, ურთიერთშელაპარაკების ნიადაგზე, ცივი იარაღით სხეულზე დაზიანება მიაყენა ირაკლი ნოზაძეს. ის შემთხვევის ადგილიდან თანმხლებ პირთან ერთად მიიმალა.

სამართალდამცველებმა ორივე ბრალდებული თბილისში, მოსკოვის გამზირზე მდებარე ერთ-ერთ საერთო საცხოვრებელ სახლში დააკავეს.

თათია ჯანღავას გამოძიება განზრახ მკვლელობის მცდელობას ედავება. მუხლი 7-დან 15 წლამდე პატიმრობას ითვალისწინეს. დანაშაულის შეუტყობინებლობა კი ისჯება ჯარიმით ან შინაპატიმრობით ვადით 6 თვიდან 2-წლამდე, ანდა თავისუფლების აღკვეთით ვადით 2-დან 4-წლამდე.