შინაგან საქმეთა სამინისტროს განცხადებით, სამართალდამცავებმა 1971 წელს დაბადებული ზურაბ ა. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით თბილისში, ხუდადოვის ქუჩაზე დააკავეს.

უწყების ცნობით, დაკავებულის საცხოვრებელი ბინის ჩხრეკისას, სმიტ ვესონის ტიპის არარეგისტრირებული პისტოლეტი, მაკაროვის სისტემის არარეგისტრირებული პისტოლეტი, 2 მჭიდი და 38 საბრძოლო ვაზნა ამოიღეს.

დაკავებული ჩადენილ დანაშაულს აღიარებს.

გამოძიება სსკ-ის 236-ე მუხლის მე-2 ნაწილით, ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე მიმდინარეობს.