თინა ხიდაშელი სოციალურ ქსელში მის ძმასთან დაკავშირებულ ინფორმაციას ეხმაურება, რომლის მიხედვითაც მან აქციის მონაწილეებს მიაწოდა ინფორმაცია, რომ ზაზა სარალიძის დაჭრას გეგმავენ.

თინა ხიდაშელის განცხადებით, ის არანაირ ინფორმაციას არ ფლობს.

"ინფორმაციისთვის, სუსში არასოდეს უმუშავია, და პოლიციიდან ოქრუაშვილის მინისტრობის დროს გაათავისუფლეს. ზოგადად, მე თუ მკითხვათ, მე მის სიტყვებს დიდ მნიშვნელობას არ ვანიჭებ. მედიის საყურადღებოდ, ტელეფონის ნომერი არ ვიცი", - წერს თინა ხიდაშელი.

პარლამენტის წინ მიმდინარე სოლიდარობის აქციის ერთ-ერთი ორგანიზატორი და ზაზა სარალიძის მხარდამჭერი ზვიად კუპრავა აცხადებს, რომ იგეგმება ზაზა სარალიძის დაჭრა და ეს სუს-ის მიერ დაგეგმილი პროვოკაციაა.

ზვიად კუპრავას თქმით, ეს ინფორმაცია თინა ხიდაშელის ძმისგან მიიღო, რომელიც სახელმწიფო უსაფრთხოების სამსახურში მაღალ თანამდებობაზე მუშაობდა.

ამ წუთებში მიხეილ ხიდაშელი შსს-ში იკითხება.