საქართველოს პრეზიდენტის გიორგი მარგველაშვილის განცხადებით, ის მივიდა ზაზა სარალიძესთან შესახვედრად, რათა მისი ტკივილი გაეზიარებინა. ამის შესახებ გიორგი მარგველაშვილმა ჟურნალისტებს სარალიძესთან შეხვედრის შემდეგ განუცხადა.

მარგველაშვილის განცხადებით, მისი მიზანია, ქვეყანაში აღდგეს სამართლიანობა და ასევე სტაბილური პროცესები განვითარდეს.

"მე მაქვს ურთიერთობა ხელისუფლებასთან და არ დავიღლები იმ სამსახურში, რომ საქართველო იყოს ყველასთვის ის ქვეყანა, რომელშიც ისინი ერთდროულად პოულობენ სამართლიანობის განცდას და ასევე იყოს სტაბილური ქვეყანა", - განაცხადა პრეზიდენტმა.