27 მაისს, მადრიდში ათი ათასობით ადამიანმა კორიდას აკრძალვის მოთხოვნით აქცია-პერფომანსი გამართა. საპროტესტო აქციის მონაწილეებმა ხელისუფლებას მოუწოდეს, ხარების მონაწილეობით ყველა ტრადიციული ღონისძიება აიკრძალოს. მათ ასევე ცხოველთა დაცვის შესახებ კანონმდებლობის გამკაცრება მოითხოვეს.

კორიდა ესპანეთის კულტურულ მემკვიდრეობად არის აღიარებული. დემონსტრანტებმა კი ხარების ბრძოლას ესპანეთის ეროვნული სირცხვილი უწოდეს.

აქციის ორგანიზატორი იყო მოძრაობა ხარების ბრძოლა ძალადობაა. მათი ინფორმაციით, აქციას 40 ათასი ადამიანი დაესწრო. აქციის მოთხოვნებს კი 170-მდე ორგანიზაციამ დაუჭირა მხარი.