გიორგი მარგველაშვილმა, რუსთავი 2-ის თოქ-შოუ არჩევანში, გიორგი გაბუნიასთან ინტერვიუს დროს, დადებითად უპასუხა ჟურნალისტის შეკითხვას და აღნიშნა, რომ მას გიორგი კვირიკაშვილთან უკეთესი ურთიერთობა აქვს, ვიდრე ირაკლი ღარიბაშვილთან.

"კი ეს ასეა და ამისი მიზეზი კონსტრუქციულობაა. კვირიკაშვილს აქვს სურვილი, ვისაუბროთ საკითხებზე, თემებზე და საქმეებზე. მას არასდროს არ ჰქონია სურვილი, გვესაუბრა ვიღაც მესამე პირზე ან ვინმესთან ურთიერთობაზე, ჩვენი თანამშრომლობა ბევრად უფრო სერიოზულია, ვიდრე ეს წინა შემთხვევაში იყო, რადგან ასეთია კვირიკაშვილი, ის არ ჭორაობს".

მარგველაშვილმა დასძინა, რომ კვირიკაშვილი მისი მეგობარი არაა, თუმცა ის არის მისი პოლიტიკური პარტნიორი, რომელიც "საქმეზე ელაპარაკება".