თეთრი ხმაურის მოძრაობის აქტივისტის, დათო სუბელიანის მიმართვას აქციაზე დასწრებასთან დაკავშირებით გირჩის ლიდერი, ზურაბ ჯაფარიძე და ნაციონალური მოძრაობის წევრი, ელენე ხოშტარია პასუხობს.

როგორც გირჩში On.ge-ს უთხრეს ჯაფარიძე აქციას მალე შეუერთდება.

ელენე ხოშტარიამ On.ge-სთან საუბარში აღნიშნა, რომ ის აქციიის მიმართ სოლიდარულია, თუმცა თბილისში არ იმყოფება და აქციაზე დასწრებას ვერ მოახერხებს:

"ჩემს სოლიდარობაზე არაერთხელ განვაცხადე საჯაროდაც. ჩვენი ინიციატივაა, რომ დავიბაროთ შინაგან საქმეთა მინისტრი იმისთვის, რომ გაგვცეს ყველაფერზე პასუხი. ცალსახად ვგმობ იმ ძალადობას რაც მოხდა" , - განაცხადა ელენე ხოშტარიამ.

სუბელიანი ფეისბუქგვერდზე წერს, რომ ჯაფარიძე თავისუფლებისთვის მებრძოლი ადამიანია და დიდი საჩუქარია საქართველოსთვის. ხოშტარია კი - დაუღალავი მებრძოლია თავისუფლებისა და თანასწორობისთვის. მისი თქმით, ხოშტარია და ჯაფარიძე აქციიის მონაწილეების გვერდით უნდა იდგნენ.