თეთრი ხმაურის მოძრაობის წევრის, ბექა წიქარიშვილის თქმით, ახლა კრიზისული მდგომარეობაა. მან რამდენიმე წუთის წინ პრესკონფერენცია გამართა და თქვა, რომ მოთხოვნები უცვლელი რჩება და კრიზისიდან გამოსასვლელ გეგმაზე ისაუბრა.

კრიზისიდან გამოსასვლელი გეგმა:

  1. საქართველოს პრემიერმა, გიორგი კვირიკაშვილმა თქვას ვის ეკისრება პასუხისმგებლობა 12 მაისს კლუბებში ბასიანსა და გალერიში ჩატარებულ სპეცოპერაციაზე. სხვა შემთხვევაში გადადგეს;
  2. მათი თქმით, სპეცოპერაცია შინაგან საქმეთა მინისტრის, გიორგი გახარიას გარეშე ვერ დაიგეგმებოდა, ამიტომ მიზეზებზე უნდა ისაუბროს მან. გარდა ამისა კვლავ რჩება მისი გადადგომის მოთხოვნა ძალაში;
  3. საქართველოში არსებული ნარკოპოლიტიკის რეფორმა შეიცვალოს.

ადევნეთ თვალი On.ge-ს ვიდეოს პრესკონფერენციიდან.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.

გაიგეთ მეტი ბასიანსა და გალერიში ჩატარებული სპეცოპერაციის შემდეგ განვითარებულ მოვლენებზე.