თბილისში, პარლამენტის შენობასთან კლუბებში ჩატარებული სპეცოპერაციის შემდეგ გამართული აქცია დაახლოებით ერთი საათის წინ დაიშალა. მკაცრი ნარკოპოლიტიკის წინააღმდეგ დაწყებული აქცია დღეს, 12 მაისს, 15 საათზე განახლდება.

შინაგან საქმეთა სამინისტროს ინფორმაციით, ნარკოდანაშაულის საქმეზე დაკავებულია 8 პირი. უწყებაში ჩატარებული სპეცოპერაციისა და სხვა დაკავებულების შესახებ ამ დრომდე ინფორმაციას არ ავრცელებენ.