ამერიკის შეერთებულმა შტატებმა ირანის მიმართ სანქციები გააფართოვა. შესაბამისი დოკუმენტი აშშ-ს ფინანსთა სამინისტრომ გამოაქვეყნა.

სანქცირებულთა სიაში მოხვდა ექვსი პირი და სამი კომპანია, რომლებსაც ირანი ელიტურ სამხედრო შენეართთან, ისლამური რევოლუციის გუშაგთა კორპუსთან აქვთ კავშირი.

8 მაისს აშშ-ის პრეზიდენტმა, დონალდ ტრამპმა განაცხადა, რომ ქვეყანა ირანის ბირთვულ შეთანხმებას ტოვებს. მისივე თქმით, აშშ-ის მხრიდან განახლდებოდა ყველა ის სანქცია, რომელიც შეთანხმებით შეჩერებული იყო.

2015 წლის ივლისში ირანმა და ექვსი ქვეყნისგან (საფრანგეთი, გერმანია, დიდი ბრიტანეთი, რუსეთი, ჩინეთი, აშშ) შემდგარმა მოლაპარაკებების გუნდმა მიაღწიეს შეთანხმებას, რომელიც ერთობლივი ყოვლისმომცველი სამოქმედო გეგმის სახელით არის ცნობილი (Joint Comprehensive Plan of Action). სხვანაირად მას ირანის ბირთვულ შეთანხმებას უწოდებენ.

ბირთვული პროგრამის შეზღუდვის სანაცვლოდ ირანს მოეხსნა სანქციები, რომელიც მის ეკონომიკას წლების განმავლობში აზარალებდა. შეთანხმების მიხედვით, ირანმა ცენტრიფუგების 2/3 გათიშა, გამდიდრებული ურანის 98 პროცენტი დაღვარა, პლუტონიუმის მწარმოებელი რეაქტორი ცემენტით გაავსო.