BBC-ის ცნობით, სამხრეთ გერმანიის ქალაქ ვურცბურგში ნაჯახით შეიარაღებული მამაკაცი მატარებელში შეიჭრა და მგზავრებს დაზიანება მიაყენა.

ამ დროისთვის ცნობილია, რომ დაშავებულია 4 მგზავრი, ხოლო თავდამსხმელი - განეიტრალებულია. თუმცა, ადგილობრივი პოლიცია, ინფორმაციაზე თავდამსხმელის მოკვლის შესახებ, ოფიციალურ კომენტარს არ აკეთებს.

გერმანული სააგენტო DPA წერს, რომ პოლიციის ცნობით, დაზარალებულთა ნაწილისთვის მიყენებული ჭრილობები სასიკვდილოა.

უცნობია მამაკაცის მოტივაცია, ჯერ-ჯერობით არ ვრცელდება ინფორმაცია იმის შესახებ, იყო თუ არა აღნიშნული შემთხვევა ტერორისტული აქტი.

შესწორება: თავდაპირველად ვრცელდებოდა ინფორმაცია 20-ზე მეტი დაშავებულის შესახებ თუმცა, როგორც მოგვიანებით გაირკვა, თავდამსხმელმა ნაჯახით ჭრილობები მიაყენა 4 პირს, დანარჩენს 14 მგზავრს კი ექიმების დახამრება მიღებული შოკის გამო დასჭირდა.