ადამიანის უფლებათა კომიტეტის წევრი, დიმიტრი ცქიტიშვილი ამბობს, რომ მათი კომიტეტი, პირველ რიგში, დაჩაგრული და მარგინალიზებული ჯგუფების ინტერესების დაცვაზე უნდა იყოს ორიენტირებული. ამის შესახებ ცქიტიშვილმა ადმიანის უფლებათა კომიტეტის იმ სხდომაზე განაცხადა, სადაც ლგბტ აქტივისტები მივიდნენ და ითხოვდნენ პასუხს 17 მაისის აქციის გაუქმების მიზეზებზე.

On.ge გთავაზობთ დეპუტატის სიტყვას სრულად

"მინდა ჩემს კოლეგებს მოვუწოდო, პირველ რიგში, რადგან ასეთ საკითხებს მშვიდად უნდა შევხვდეთ იმიტომ, რომ ეს არის ჯგუფი [ლგბტ] თავისი მდგომარეობით ძალიან მარგინალიზებულია. ძალიან ბევრი ტრაგედია დგას თითოეული მათი ცხოვრების უკან. შესაბამისად, მათი ემოცია, მათი ეპატაჟი მიმდინარეობს არა მათი დალხენილი ცხოვრებით, არამედ იმ უფლებრივი შეზღუდვიდან, რომელიც აი, ამ ანგარიშში [სახალხო დამცველის ანგარიში] არის მოცემული. ამას აქვს ძალიან მწვავე გამოხატულება მათი მხრიდან. ჩვენი ვალდებულებაა, რომ ჩვენ ამას მშვიდად შევეგუოთ, დავინახოთ პრობლემა, გავუსწოროთ თვალი და შესაბამისად, იმ დარღვევების შემთხვევები, რაც ქვეყანაში, სამწუხაროდ, მრავლადაა ყველანაირად, როგორც უფლებრივად, ისე ძალადობის კუთხით და ა.შ... მესმის, რომ ამ ეპატაჟმა დაკარგა ცოტა კორექტულობისა და საპარლამენტო ფორმა. მე მგონია, რომ ჩვენ ჩვენი სახე და ფორმა უნდა შევინარჩუნოთ და რაც მთავარია, უნდა გვახსოვდეს, რომ ჩვენ ვართ ადამიანთა უფლებათა კომიტეტში, რომელიც მოწოდებული უნდა იყოს, რომ, პირველ რიგში, ყველაზე დაჩაგრული და მარგინალიზებული ადამიანების უფლებები დაიცვას".

რა ხდებოდა კომიტეტში

ადამიანის უფლებათა დაცვის კომიტეტის სხდომაზე ლგბტ აქტივისტი, თამაზ სოზაშვილი დღეს ერთ-ერთი იყო იმ აქტივისტებს შორის, რომელიც კომიტეტის წევრებთან ლგბტ თემის უფლებებზე საუბარს ცდილობდა. ვერც ერთმა აქტივისტმა მიიღო კითხვაზე პასუხი რატომ გაუქმდა წელს 17 მაისის აქცია. კომიტეტმა 2017-2020 წლების სამოქმედო გეგმაში გაწერა, რომ უნდა აღნიშნულიყო ჰომოფობიისა და ტრანსფობიის დღე.

"დღეს, როცა კახეთში ჩემს მშობლებთან არ შემიძლია მისვლა იმიტომ, რომ საფრთხის შემცველია, აი, ესაა განსხვავება. მაგრამ თქვენ ვერასოდეს, ვერასოდეს გაიგებთ ამას. ვერც იმას გაიგებთ ახლა მე რა მიჯდება აქ დგომა და ამის საუბარი იმიტომ, რომ აქაც ძალიან ბევრი პრობლემები შემექმნება ამის შემდეგ. ამას ვერასოდეს გაიგებთ ამას იმიტომ, რომ თქვენ ხართ თეთრი ჰეტეროსექსუალი ადამიანები, რომლებსაც ეს პრივილეგია გაქვთ სულით ხორცამდე... უმაქნისი და სამარცხვინო. სამარცხვინოდ დარჩება ისტორიაში სოფო კილაძე", - ამ სიტყვების თქმის შემდეგ დატოვა თამაზ სოზაშვილი.

დღეს, პირველ მარტს თანასწორობის მოძრაობის აქტივისტებმა ადამიანის უფლებათა კომიტეტის სხდომაზე პლაკატები გაშალეს და კომიტეტის თავმჯდომარის გადადგომა მოითხოვეს. მანამდე აქტივისტემა აქცია პარლამენტის შენობასთან გამართეს