საქართველოს მართლმადიდებელი ეკლესიის საქმიანობას დადებითად კიდევ უფრო ნაკლები ადამიანი აფასებს. ასეთია ეროვნულ-დემოკრატიული ინსტიტუტის ბოლო კვლევის შედეგები.

თუკი ეკლესიის საქმიანობას 2015 წლის აპრილში მოსახლეობის დაახლოებით, 75 პროცენტი დადებითად აფასებდა, ახლა ეს მაჩვენებელი 56 პროცენტამდე დაეცა. შესაბამისად, გაიზარდა იმ ადამიანების წილი ვინც ამ ინსტიტუტის საქმიანობას "საშუალოდ" ან "ცუდად" აფასებს.

ფოტო: ფოტო NDI-ის კვლევიდან

NDI-მ 20 მარტი - 4 აპრილის პერიოდში საქართველოს მასშტაბით წარმომადგენლობითი შერჩევის საფუძველზე 2 194 ადამიანი შეარჩია (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია. კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა.