"ჩემთვის ძალიან რთული დღეა. იმიტომ, რომ მთელი ცხოვრება აქ გავატარე და ახლა დამშვიდობება მიწევს", - ამ სიტყვებით მიმართა ფანებს ანდრეს ინიესტამ გამოსამშვიდობებელ კონფერენციაზე.

ფეხბურთელმა აღნიშნა, რომ მისთვის დიდი პასუხისმგებლობაა ბარსელონას კაპიტნობა და მსოფლიოში საუკეთესო კლუბად მიაჩნია.

"ბარსელონაში 22 წელი გავატარე. მადლობა ვუხდი ჩემს კოლეგებს, ყველა ადამიანს ვისთან ერთადაც ყოველდღიურად ვმუშაობდი წლების განმავლობაში. მათი დამსახურებით მე უკეთესი გავხდი. მადლობა ფანებსაც, რომელთა სიყვარულს ვგრძობ, მშობლებს და დას."

ფოტო: Reuters

ნახევარმცველმა ესპანურ კლუბში 22-წლიანი კარიერა დაასრულა.

ინიესტამ 33 წლის ასაკში 669 მატჩი ჩაატარა და ბარსელონასთან ერთად 31 ტიტული მოიგო.