შინაგან საქმეთა სამინისტრომ 1982 წელს დაბადებული პირი ნათესავის მკვლელობის ბრალდებით დააკავა. დანაშაული 4-დან 7 წლამდე თავისუფლების აღკვეთას ითვალისწინებს.

გამოძიება 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს და რამაც ადამიანის სიცოცხლის მოსპობა გამოიწვია.

შსს-ს ინფორმაციით, მუხიანში, ერთ-ერთ საცხოვრებელ კორპუსთან დაჭრილი ახალგაზრდა კაცი იპოვეს, რომელსაც ქვედა კიდურებზე ცეცხლნასროლი ჭრილობები ჰქონდა.

დაჭრილი სასწრაფო სამედიცინო დახმარების ბრიგადამ კლინიკაში გადაიყვანა, თუმცა, მიყენებული ჭრილობების შედეგად, იგი საავადმყოფოში გარდაიცვალა.

მომხდარიდან რამდენიმე საათში, სასაზღვრო გამშვები პუნქტი წითელი ხიდის ტერიტორიაზე, გარდაცვლილის ნათესავი ბრალდებულის სახით დააკავეს.

უწყების განცხადებით, პოლიციამ მის სახელზე რეგისტრირებული დანაშაულის ჩადენის იარაღი - რემუმინგტონ 700-ის მოდელის შაშხანა ნივთმტკიცების სახით ამოიღო.