ტელეკომპანია რუსთავი 2-ის გენერალური დირექტორი, ნიკა გვარამია ამბობს, რომ გუშინ 15 მარტს საქართველოს მართლმადიდებელი ეკლესიის პატრიარქს, ილია მეორეს შეხვდა. გვარამიას თქმით, ის პატრიარქს არაერთხელ შეხვედრია.

გვარამია შეხვედრის დროს საუბრის დეტალებზე არ საუბრობს, თუმცა აღნიშნავს, რომ დეკანოზ გიორგი მამალაძის საქმეზეც ისაუბრეს.

რამდენიმე დღის წინ გახდა ცნობილი, რომ ნიკა გვარამია სტრასბურგის სასამართლოში დეკანოზ გიორგი მამალაძის ინტერესებს დაიცავს. ამ საკითხზე ის ციხეში დეკანოზსაც შეხვდა.

13 თებერვალს თბილისის სააპელაციო სასამართლომ დეკანოზ გიორგი მამალაძის მიმართ გამოტანილი განაჩენი ძალაში დატოვა. დეკანოზის ადვოკატებმა კი გადაწყვეტილება უზენაეს სასამართლოში გაასაჩივრეს.