ბათუმის საკრებულოს თავმჯდომარე სულიკო თებიძე და ბათუმის მერი ლაშა კომახიძე დავითა ღმაშენებლის ძეგლის დადგმის განსახილველად ქართული მარშის წევრებს დახურულ კარს მიღმა შეხვდნენ. ამის შესახებ On.ge-ს ბათუმის მერიაში დაუდასტურეს. შეხვედრა უკვე დასრულებულია. მერიის პრესსამსახურის თქმით, შეხვედრა მშვიდად დასრულდა, მერიისა და საკრებულოს წარმომადგენლები ქართული მარშის წევრებს დაჰპირდნენ, რომ პირველ ეტაპზე ძეგლისთვის ადგილს მოძებნიან.

ქართული მარშის წევრები ბათუმში საკრებულოს სხდომაზე დასასწრებად ჩავიდნენ, თუმცა ვერ მოახერხეს. ისინი ამ წუთებში ბათუმში მსვლელობას მართავენ, იმის გასაპროტესტებლად, რომ ბათუმის საკრებულომ ქალაქის ცენტრში დავით აღმაშენებლის ძეგლი დადგას.

გასულ კვირას ბათუმის საკრებულომ განმარტა, რომ საკითხი ვერ გაითვალისწინეს მიმდინარე წლის ბიუჯეტში:

"ბათუმის მუნიციპალიტეტის მიმდინარე წლის ბიუჯეტით დაგეგმილია 9 აპრილს დაღუპულ გმირთა ხსოვნისადმი მიძღვნილი მემორიალის განთავსება, რაზეც უკვე გამოცხადებულია ტენდერი და ბიუჯეტიდან გამოყოფილია 100 ათასი ლარი. თუმცა ეს არ ნიშნავს იმას, რომ ბათუმის მუნიციპალიტეტი უარს ამბობს დავით აღმაშენებლის ძეგლის აღმართვაზე".