საქართველოს ყველაზე მდიდარი მოქალაქე ბიძინა ივანიშვილის ქონება სახელმწიფო ხარჯების 430 დღის განმავლობაში დაფარავდა. ბიძინა ივანიშვილი რეიტინგში მეორე ადგილს იკავებს. მისი ქონება Bloomberg-ის მიხედვით, $5,8 მილიარდია, სახელმწიფო ხარჯი ყოველდღიურად კი - $13,5 მილიონი. Bloomberg-ის ე.წ. რობინ ჰუდის ინდექსი 12 თებერვალს გამოქვეყნდა.

ინდექსით ანგარიშობს რამდენი დღის განმავლობაში შეძლებდა სახელმწიფო ხარჯების დაფარვას ქვეყნის ყველაზე მდიდარი მოქალაქე თავისი ქონებით. ინდექსი სულ ორი ელემენტისგან შედგება, ქვეყნის ყველაზე მდიდარი მოქალაქის ქონება იყოფა, სახელმწიფოს მიერ გაწეულ ყოველდღიურ ხარჯზე. რეიტინგში 49 ქვეყანაა, მონაწილეთაგან კი მხოლოდ ოთხია ქალი.

ინდექსი აჩვენებს პოტენციურად რამხელა გავლენა შეილება ჰქონდეს ყველაზე მდიდარ მოქალაქეს მთლიან ეკონომიკაზე, ამ კუთხით ბიძინა ივანიშვილი ერთ-ერთი მოწინავე ადგილს იკავებს. ამასთან აღსანიშნავია ისიც, რომ ივანიშვილი ერთადერთი ქართველი მილიარდერია.

მსგავსი შეფარდებით, საქართველოს მხოლოდ კვიპროსი უსწრებს, სადაც ყველაზე მდიდარი მოქალაქის, ჯონ ფრედერიკსენის ქონება კვიპროსის სახელმწიფო ხარჯებს 441 დღის განმვალობაში დაფარავდა. საქართველო და კვიპროსი მნიშვნელოვნად უსწრებენ სხვა სახელმწიფოებს. შედარებისთვის, მესამე ადგილს ინდექსში ჰონგ-კონგი და მისი ყველაზე მდიდარი მოქალაქე ლი-კა შინგი იკავებს და მისი ქონება ჰონგ-კონგის სახელმწიფოს ხარჯების გასწორებას 191 დღის განმვალობაში შეძლებდა.

რეიტინგის საშუალო მაჩვენებელი 45 დღეა, თუმცა რაც უფრო დიდია სახელმწიფო და მოსახლეობა საშუალო რიცხვიც იკლებს. მაგალითად, პლანეტის ყველაზე მდიდარი ადამიანი ამერიკელი ჯეფ ბეზოსი თავისი $99 მილიარდით მხოლოდ 5 დღის განმავლობაში შეძლებდა აშშ-ს სახელმწიფო ხარჯების გასტუმრებას, ყოველდღიური სახელმწიფო ხარჯი $11,205 მილიარდია. ჩინელ ჯეკ მას ქონება მხოლოდ 4 დღის ხარჯებს ეყოფოდა.

ყველაზე ძვირად შესანახი სახელმწიფოების სიაში შევიდა ისეთ ქვეყნები როგორებიცაა: იაპონია, კანადა, გერმანია, დიდი ბრიტანეთი, იტალია, ბელგია, ნორვეგია.