ხორავას ქუჩაზე მომხდარ მკვლელობაში ერთ-ერთი არასრულწლოვანი ბრალდებულის ადვოკატი, ინგა შარაშენიძე ამბობს, რომ სასიკვდილო ჭრილობები მისი დაცვის ქვეშ მყოფის დანის მიერ არის თუ არა მიყენებული ჯერ დადგენილი არაა. ამის შესახბ მას რუსთავი 2-თან ისაუბრა.

ადვოკატის თქმით, მოწმეები ეცადნენ, რომ თავიანთი დანაშაული სხვებისთვის დაებრალებინათ და ბრალდებული მათი ჩვენების საფუძველზე დააკავებს. მისივე თქმით, ექსპერტიზის დასკვნები გამოყენებული არ არის:

"ეს ისეთი საქმეა, სადაც მოწმეთა ჩვენება არ შეიძლება იყო მთავარი მტკიცებულება, ვინაიდან ექსპერტიზის დაცვა არის მთავარი მტკიცებულება".

შარაშენიძის თქმით, თუ ექსპერტიზა სწორად ჩატარდა, უნდა დადგინდეს, რომ მისი დაცვის ქვეშ მყოფის დანით სასიკვდილო ჭრილობა მიყენებული არ არის.

პირველ დეკემბერს, თბილისში, ხორავას ქუჩაზე არასრულწლოვნებს შორის დაპირისპირების შედეგად 51-ე სკოლის ერთ-ერთი მოსწავლე ლევან დადუნაშვილი საავადმყოფოში მიყვანამდე გარდაიცვალა. კიდევ ერთ მოსწავლეს, დავით სარალიძეს საავადმყოფოში სამი ოპერაცია გაუკეთდა, თუმცა ის მომხდარიდან მეორე დღეს გარდაიცვალა. მას 14-მდე ჭრილობა ჰქონდა მიყენებული სხეულზე. განზრახ მკვლელობის საქმეზე ბრალი ორ არასრულწლოვანს წაუყენეს.

ხორავას ქუჩაზე მომხდარი მკვლელობის შესახებ დეტალურად გაიგეთ აქ.