შინაგან საქმეთა სამინისტროს ინფორმაციით, ხორავას ქუჩაზე, მკვლელობაში ბრალდებულ არასრულწლოვანს ქვეყნის საზღვარი არ გადაუკვეთავს. ამის შესახბე ჟურნალისტებთან თბილისის პროკურატურაში შსს-ს საპროცესო განყოფილების უფროსის მოადგილემ, იოცებ ხუციშვილმა განაცხადა.

ის არ გამორიცხავს, რომ პასუხისგებაში მისაცემ პირთა რაოდენობა გაიზარდოს და ზოგიერთს სტატუსი შეეცვალოს.

დღეს, 4 დეკემბერს, შინაგან საქმეთა სამინისტროს განცხადებით, ხორავას ქუჩაზე მომხდარი განზრახ მკვლელობის ფაქტთან დაკავშირებით კიდევ სამი პირი დააკავეს. მათ დანაშაულის დაფარვისთვის ედებათ ბრალი. უწყების თქმით, დაკავებულებიდან ორი ძებნაში მყოფ არასრულწლოვანს მიმალვაში დაეხმარა.

პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად დაიღუპა ორი მოზარდი. ლევა დადუნაშვილი საავადმყოფოში მიყვანამდე გარდაიცვალა. დავით სარალძეს საავადამყოფოში სამი ოპერაცია გაუკეთდა, თუმცა ის მომხდარიდან მეორე დღეს გარდაიცვალა.