საქართველოს პრეზიდენტი, გიორგი მარგველაშვილი ბათუმში მომხდარი ტრაგედიის გამო შეძრწუნებას გამოთქვამს და დაღუპულთა ოჯახებსა და ახლობლებს უსამძიმრებს. მარგველაშვილი იმედს გამოთქვამს, რომ გამოძიება უსწრაფეს დროში დაადგენს ხანძრის გამომწვევ მიზეზებს:

"მადლობას ვუხდი მაშველებს, მეხანძრეებს, ყველას ვინც უდიდესი რისკის ფასად, ადამიანების სიცოცხლის გადარჩენა შეძლო."

ბათუმში, სასტუმრო ლეოგრანდში ხანძრის შედეგად, წინასწარი ინფორმაციით, 11 ადამიანი დაიღუპა. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე სასტუმროს თანამშრომლები. ისინი სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილი არიან ბათუმის კლინიკებში. ხანძართან დაკავშირებით მიმდინარეობს გამოძიება.