დღეს, 12 ნოემბერს, ქუთაისში, ყაზბეგში, ხაშურში, ბორჯომში, ოზურგეთსა და მარტვილში მერების 2017 წლის 21 ოქტომბრის არჩევნების მეორე ტურები ტარდება.

ცენტრალური საარჩევნო კომისიის განცხადებით, 317 საარჩევნო უბანი ამომრჩევლისთვის 8 საათზე გაიხსნა და ხმის მიცემის პროცესი მშვიდ გარემოში მიმდინარეობს.

ცესკოს ინფორმაციით, 12 ნოემბრის არჩევნებზე მონაწილე საარჩევნო სუბიექტების მიერ რეგისტრირებულია დაკვირვების უფლების მქონე 2 143 წარმომადგენელი, ადგილობრივი არასამთავრობო ორგანიზაციის 18 149 და საერთაშორისო სადამკვირვებლო ორგანიზაციის 654 დამკვირვებელი, ხოლო მედია ორგანიზაციის 4 688 წარმომადგენელი.

  • ქუთაისში ამომრჩეველს ქართული ოცნების და ნაციონალური მოძრაობის კანდიდატებს, გიორგი ჭიღვარიასა და გრიგოლ ვაშაძეს შორის მოუწევს არჩევანის გაკეთება;
  • მარტვილში - ქართული ოცნების ალექსანდრე გრიგალავასა და ენმ-ის მამუკა დანელიას შორის;
  • ოზურგეთში მეორე ტურში მმართველი გუნდის კანდიდატის მოწინააღმდეგე დამოუკიდებელი კანდიდატი კონსტანტინე შარაშენიძეა;
  • ხაშურში ასევე დამოუკიდებელი კანდიდატი, რამაზ ნოზაძე უპირისპირდება ქართული ოცნების კანდიდატს, გიორგი გურასპაშვილს;
  • ბორჯომში ამომრჩეველი ქართული ოცნების კანდიდატს, ლევან ლიპარტიასა და პატრიოტთა ალიანსის ზაზა ჩაჩანიძის შორის აირჩევს;
  • ყაზბეგში მერის კანდიდატები ქართული ოცნებიდან ალექსანდრე ზაგაშვილი და თავისუფალი საქართველოდან სანდრო ყამარაული არიან.