პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგილე, ლევან კობერიძე განმარტავს, რომ ექიმებს რამდენიმე სხვადასხვა ადგილას მუშაობა არ აეკრძალებათ. ამის შესახებ კობერიძე ტელეკომპანია იმედს ესაუბრა:

"კვალიფიცირებულ ექიმს უნდა ჰქონდეს იმდენად კარგი სამუშაო პირობები შექმნილი, რომ სასურველია მას ჰქონდეს თავის სამუშაო ადგილას იმდენი ანაზღაურების მიღების საშუალება, რომ არ უწევდეს სხვადასხვა კლინიკაში მუშაობა. თუმცა ეს, რა თქმა უნდა, მისი არჩევანი იქნება მომავალშიც და შესაბამისად, მსგავსი სახის რაიმე აკრძალვა არ იგეგმება."

2 ნოემბერს, ჯანმრთელობის დაცვისა და სოციალურ საკითხთა კომიტეტის თავმჯდომარემ, აკაკი ზოიძემ პარლამენტის სხდომაზე განაცხადა, რომ აღიკვეთება პრაქტიკა, როდესაც "ერთი ექიმი ექვს სხადასხვა ადგილას მუშაობს".