საზოგადოებრივმა მაუწყებელმა დღეს, 6 ნოემბერს, ახალი ამბების შვიდენოვანი განახლებული ვებგვერდი გაუშვა. დღეიდან 1tv.ge-ზე ინფორმაციის ქართულად, აფხაზურად, ოსურად, სომხურად, აზერბაიჯანულად, ინგლისურად და რუსულადაა შესაძლებელი.

ეთნიკური უმცირესობების მშობლიურ ენებზე საზოგადოებრივი მაუწყებელი მანამდეც ამზადებდა მასალებს, თუმცა ამისთვის სხვა პლატფორმას - multitolerant.gpb.ge-ს იყენებდა.

საზოგადოებრივმა მაუწყებელმა ვებსაიტის შესაცვლელად 135 ათას ლარი გადაიხადა. მაუწყებელმა გამარჯვებული კომპანია World Wide Web Intelligence ტენდერის საშუალებით შეარჩია და მასთან ხელშეკრულება 2016 წლის 9 დეკემბრს გააფორმა.

6 ნოემბრიდან საზოგადოებრივი მაუწყებლის ეთერში ახალი დროით გავა საინფორმაციო გამოშვებები. მთავარი საინფორმაციო 20 საათის ნაცვლად 21 საათზე გავა და მისი ხანგრძლივობა 30 წუთი იქნება. საინფორმაციო გამოშვების დასრულების შემდეგ ეთერში მაკა ცინცაძისა და ირაკლი აბსანძის საავტორო გადაცემები გავა.